halong bay...

wow, diae letschte zwei taeg haemmer ufeme grosse schiff verbracht und haend ues s'unesco welterbe aglueget...

es isch atemberaubend gsi. felse ohne ende...

geschter abig simmer na i dae totali muedi is wasserpuppte theater. isch na unterhaltend gsi... waered mir nach dae halong bay tour nid 3 stund im stau gstande, waeremer sicher au fascht nid iigschlafe... dafuer simmer im stau voll dattraktion gsi vo dae vietnamese. sie haend ues sogar gfoettelet. chchchch*


huet haemmer zum erschte mal usgschlafe. jeeee. me sind dae ganz tag wieder echli umegloffe und haend es paar sehr interesssanti sache entdeckt. z.b. hoochziitspaeaerli, wo unbedingt mit eus haen welle es foti mache. evtl. for good luck? mir haend au usegfunde, dass me dae eim dae mittelname seit. mir zwei sind also d'silvia und van anh (uusgsprooche vanay) hmmm, interessant. zum zmittag haemmers eus so richtig geh huet. sind fuer unschlagbari $60 go zmittag aesse. normalerwiis zahlemer fuef franke s'zweite. me haend ja au fascht zwei stund gaesse. alles nur vom feinschte. hmmmm. vietamesischi suppe (pho ba), fruehligsrolle, frittierti shrimps, rindfleisch, gmuess, fisch, flambierti banane, glace. da mir ja verruckt durscht gha haend haemmer am afang scho 5 drinks bstellt. diae haend daenkt mir seget am verdurschte. kafi, milkshake, fruitjuice, mojito. hmmmmm.